President Message
భారతమాతకు పాదాభివందనం...
తెలుగు తల్లి బిడ్డలకు ఆత్మీయ ఆలింగనం...
ఒకనాడు ఒక యోచన కణమై ఊపిరి పోసుకుని, సత్భావన సారథ్యంలో ఈనాడు ఒక కల్పతరువుగా అందరికీ ఆత్మీయ ఛాయను పరిచిన GATA కు ముఖ్యవ్యవస్థాపకుడినవడం నా అదృష్టంగా భావిస్తున్నాను.
యోచనకు ఊపిరిపోసి కార్యసిద్ధికి పట్టం కడుతూ, పుష్కర ప్రయాణంలో పలు ఆపత్తులకి కళ్ళెం వేస్తూ సమాజాభివృద్ధికి దోహద పడుతూ, తెలుగువారికి మరియు అట్లాంటాలోని పలు ప్రాంతీయుల ప్రయోజకతకి అనుక్షణం పాటుపడుతూ, ఆత్మీయత సవ్వడిగా, సాంప్రదాయ-సాంస్కృతిక సందడులతో అట్లాంటా వాసుల హృదయాభిమానాన్ని చూరగొంటున్న GATA సంస్థ వ్యవస్థాపకునిగా అనునిత్యం ఆనందానుభూతి చెందుతున్న నాకు 2023 వ సంవత్సరానికి ప్రధాన కార్యదర్శిగా బాధ్యతను చేపట్టడం అత్యంత నూతనోత్సాహాన్ని కలిగింపచేస్తుంది.
అడుగడుగునా GATA సంస్థ కార్యకర్తల ఐక్యత, సహకారం, ఉత్సాహం, కార్యాచరణ పట్ల నిబద్ధత మరియు సేవావిధుల పట్ల గౌరవం సేవా సంకల్పాన్ని ఉత్తేజపరుస్తుండగా, అందరి సహకార ప్రోత్సాహాలతో సంస్థ యొక్క సేవాపటిమని మరింత దృఢపరిచే దిశగా నేపథ్యం వహించి, వినూత్నతతో పలు కార్యక్రమాలను నిర్వహించనున్నామని సగర్వంగా విన్నవించుకుంటూ అందుకుగాను తెలుగు వారి ఆదరాభిమానాలు ఎల్లవేళలా మా వెన్నంటివుంటాయని విశ్వసిస్తున్నాను.
సందర్భానుసారంగా వినోద విజ్ఞాన క్రీడా సాంస్కృతిక సంప్రదాయ సాహిత్య సేవా కళా వేదికగా మన GATA సంస్థ 2024 ప్రధాన కార్యదర్శిగా నిరంతరం అద్భుత కార్యాచరణతో తెలుగు ప్రజలకు తెలుగుతల్లి భరతమాత వడిని స్పృశింపజేయు విధంగా తగు చర్యలు తీసుకుంటానని సవినయంగా తెలియజేస్తున్నాను.
GATA కార్యకర్తలు, వదాన్యులు, సభ్యులు, కార్యనిర్వాహక సభ్యులు, వ్యవస్థాపక బృందం, నైతిక మరియు సాంకేతిక సహకారదారులకు పేరుపేరునా కృతజ్ఞతలు తెలియపరుస్తూ తామెల్లరి సహృదయ అనిర్వచనీయ ఆదరువుకు ప్రణమిల్లుతున్నాను.
సర్వే జనా సుఖినోభవంతు🙏
స్వప్న కశ్వ
